CHEVROLET SPARK
XARAKTERISTIKALAR
CHEVROLET SPARK
Chevrolet Spark rusumli avtomobil – turli davlatlardagi yetakchi dizaynerlarning ijodiy ishlari mevasidir. U boshidan oxirigacha – haqiqiy Chevrolet avtomobilidir. Yangi Spark, diqqatni o‘ziga tortuvchi radiatorning ikki sathli panjarasi va keskin chiziqli qiyofasi bilan, albatta, qayerda bo‘lishidan qat’i nazar butun e’tiborni o‘ziga tortadi. Bundan tashqari, o‘zining ixcham o‘lchami va yuksak boshqariluvchanligi tufayli, Spark har qanday shahar harakatiga «kirib» keta oladi.
O‘ta keng saloni tufayli Spark ichida 170 l. hajmidagi yukni joylashtirish mumkin, o‘rindiqlar 60:40 nisbatida yig‘ilganda esa, yuk hajmi 568 l gacha ortadi. Spark modelining tashqaridan ixcham ko‘rinishiga qaramay, uning keng salonida 5 kishi bemalol va qulay joylashishi mumkin.
Ba’zi avtomobillar o‘ziga xos uslubli ko‘rinadi. Boshqalari sportga xos keskin chiziqli ko‘rinishiga ega. Chevrolet Spark da ularning ikkalasi ham mujassamlashadi. Shahar ichida – u ixcham va oson boshqariluvchan avtomobil bo‘lib, shosse ko‘chalarida u haydovchining barcha harakatlariga sezgir javob beradi, asosiysi – Siz qayerda bo‘lsangiz ham, uning ichida rulda o‘tirish yoqimli bo‘ladi. Boshqacha aytganda, Chevrolet Spark –avtomobillarni ishlab chiqish sohasida olg‘a qo‘yilgan yangi qadamdir.
Siz buni albatta kutmagansiz – asboblar paneli v «motosiklet» uslubida! Bundan tashqari, asboblar paneli bir qarab hammasini ilg‘ab olish mumkin bo‘lgan tarzda joylashtirilgan, bunda u juda ixcham, foydalanishda ham oson. Yangi Spark ning analogli spidometri raqamli taxometr bilan jihozlangan, u gabarit chiroqlari yoqilganda ko‘k rang bilan yoritiladi. Markaziy konsolda CD-pleyer va radio bor, u MP3 va AUX-in funksiyalarini ham amalga oshiradi, USB-uyalar esa har qanday ko‘chiriladigan audiomoslamani ulash imkonini beradi. Bundan tashqari, markaziy konsolda mobil telefonlar kabi mayda buyumlarni qo‘yish uchun bo‘lim ham bor. Uzatmalarni o‘zgartirish dastagining oldida esa hatto ikkitali stakan tagligi ham bor.
Spark o‘z kuzovining agressiv bukilgan chiziqlari, radiatorning ikkitalik panjarasi va orqa eshiklarning ichki o‘rnatilgan dastalari tufayli, yo‘lda haqiqatan ajralib turadi. Chevrolet Spark kuzovining har xil yorqin ranglarini tanlash mumkin, ular uning ko‘zga tashqanadigan tashqi ko‘rinishini yanada jo‘shqinlantirib turadi. Estetik afzalligidan tashqari, ifodali dizayni amaliy foyda berishi ham kerak. Shuning uchun biz dizayn elementlarimiz bilan faxrlanamiz: yuqori joylashgan orqa chiroqlar nafaqat chiroyli ko‘rinadi, balki cheklangan ko‘rish imkoniyati sharoitida xavfsizlikka yordam beradi. Teparoq ko‘tarilgan g‘ildirak gumbazlari aerodinamikani yaxshilashga va yonilg‘i sarflanishini kamaytirishga yordam beradi.
Spark ning saloni bunday ixcham o‘lchamli avtomobil uchun hayratlanarli darajada keng bo‘lib, puxta o‘ylab chiqilgan. Haydovchi asboblarning qulay va o‘z-o‘zidan tushunarli bo‘lgan joylashuvini qadrlaydi. Spark rusumli tejamkor kichik hajmli avtomobil ichida 5 ta yo‘lovchi qulay joylashish mumkin, shu sababli u do‘stlar bilan va oilaviy sayohat qilish uchun a’lo tanlov ob’ekti hisoblanadi.
Chevrolet Spark ichida kundalik buyumlarning ko‘pchiligini — mobil telefonlar, MP3-pleyerlar, sumkalar va boshqa xilma-xil buyumlarni joylashtirish uchun joy yetarli. Mana yangi imkoniyatlarning bir nechta misollari:
Markaziy konsoldagi mayda buyumlarni, tangalar va kartochkalarni saqlash bo‘limi
Ikkita stakan uchun tutqich
Oldingi yo‘lovchining o‘rindig‘i yonidagi ichki ko‘rinishining umumiy ranglarida bezatilgan katta sig‘imli qo‘lqop bo‘limi