CHEVROLET LACETTI
XARAKTERISTIKALAR
CHEVROLET LACETTI
Agar Sizga mashinaning tashqi ko‘rinishi muhim bo‘lsa, Lacetti Sizga mos. Salobatli tashqi va ichki ko‘rinishi bo‘lgan ushbu avtomobilda har tomonlama mutanosiblik, silliq go‘zal shakli, ifodali chiziqlari uyg‘un mujassamlashgan. Lacetti ning ixcham uslubli zamonaviy salonida besh kishi qulay joylashadi. Asboblar paneli o‘z mutanosibligi va turli-tuman xillari bilan ajralib turadi. Xrom qoplangan elementlari va asboblarining joylashuvi puxta o‘ylab chiqilgan. Uning yurish xususiyatlari esa batafsil sinovdan o‘tkazilib, barkamol darajasiga yetkazilgan.
Lacetti kuzovining silliq zamonaviy dizayni — Pininfarina mashhur avtomobil atelesining yutug‘idir (Italiya). Bodomqovoq ko‘zni eslatuvchi oldingi faralari va uzun silliq chiziqli qiyofasi uning yoqimli jozibador ko‘rinishini hosil qiladi. Hashamatli dizayni va keng saloni bo‘lgan 4 eshikli Lacetti — oddiygina oilaviy sedan emas, bu amaliyotga mos bo‘lgan avtomobil nuqsonlarga ega bo‘lmasligini oshkora ko‘rsatuvchi a’lo mashinadir. U har tomonlama sifatning o‘zginasi bo‘lib, juda ko‘p qo‘shimcha funksiyalari va a’lo boshqaruvchanlik qobiliyatiga ega.
Avtomobilning tashqi ko‘rinishini italiyalik mutaxassislar yaratgani tufayli, u juda kuchli taassurot tug‘diradi. Bu modelning asosiy xususiyati silliq, dumaloqlashuvchi chiziqlardir, ular tufayli mashina aslidagi holatiga nisbatan ancha kattaroq va keng hajmli bo‘lib ko‘rinadi. Bunda, uning tashqi ko‘rinishi ancha qimmat toifadagi avtomobillarga xos bo‘lgan jo‘shqinlik va ulug‘vorlik bor. Tashqi ko‘rinishining barcha detallari, 15-dyuymli disklardan tortib yon oynalarining o‘ziga xos shakligacha, a’lo sifati va Italiyaga xos nafisligi bilan ajralib turadi.
Chevrolet Lacetti ning ichki ko‘rinishi sodda ko‘rinuvchi hashamatdorligi bilan ajralib turadi. Bir xil rang tuslariga ega bo‘lgan sifatli bezatish materiallari shinam muhitni yaratadi, va salonning hajmini kengaytirib ko‘rsatadi. Barcha zarur boshqarish elementlari bo‘lgan oqilona jamlangan panel, teri qoplangan qulay rul, chiroq bilan yoritiladigan ichki bo‘limi, konditsioner, o‘ziga xos uslubda yasalgan spidometr – mashinaning a’lo butlanishi va jihozlanishining namoyon bo‘ladigan kichik bir qismidir.
Safarda qulay yurish uchun avtomobil tirgak osti bokslari, tokchalar, axlat tashlanadigan cho‘ntaklar va tagliklar bilan jihozlangan. Old oynasidan a’lo ko‘rish imkoniyati sababli unda yurish xavfsiz bo‘ladi, motorning shovqinsiz ishlashi va shovqindan yaxshi izolyatsiyasi esa unda yurishni yanada qulayroq qiladi.