CHEVROLET COBALT
XARAKTERISTIKALAR
CHEVROLET COBALT
Chevrolet Cobalt – GM korporatsiyasining Braziliyadagi bo‘limining dizaynerlari tomonidan GM kompaniyasining avtomobillarni ishlab chiqish standart global jarayonlaridan foydalangan holda ishlab chiqilgan oilaviy sedan modelidir. Cobalt modeli GM ning global guruhi tomonidan o‘z pog‘onasida jahon etaloniga aylanadigan va o‘sib rivojlanayotgan bozorlarda sotish bo‘yicha yetakchi bo‘la oladigan darajada ishlab chiqilgan. Chevrolet Cobalt qulaylik, nafislik va yuksak dinamik xususiyatlarni, hamda eskirmaydigan an’anaviy klassik dizayn qiyofasini o‘zida mujassamlashtiradi. A’lo xavfsizlikni ta’minlash uchun, o‘ta mustahkam po‘latdan ishlab chiqariladigan Chevrolet Cobalt rusumli avtomobil, ABS (antibloklash tormoz tizimi) bilan, hamda haydovchi va oldingi yo‘lovchi uchun xavfsizlik yostiqchalari bilan jihozlangan.
TASHQI KO`RINISH
Yo‘lda ahamiyatsiz narsalar bo‘lmaydi, shuning uchun Chevrolet Cobalt ning tashqi ko‘rinishi har bir detali bo‘yicha puxta o‘ylab chiqilgan. Masalan, yon oynalari orqani ko‘rish uchun keng manzarani ta’minlaydi, ichki qurilgan isitish tizimi esa hatto o‘ta sovuq paytida ham muzni erita oladi. Tumanga qarshi faralar eng yomon ob-havo bo‘lganda ham yo‘lni ko‘rsata oladi. Oldingi va orqa elektr oyna ko‘targichlar tufayli istalgan oynani faqat tugmani bosib turib, bir necha soniya ichida ochish va yopish mumkin. Savlatli tashqi ko‘rinishi bilan birga, nihoyatda keng saloni va hayratlantirarli darajada katta yukxonasi ham bor. O‘ziga xos uslubli 15-dyuymlik yengil aralashmadan yasalgan disklar va orqa bamperdagi xrom qoplangan molding Chevrolet Cobalt mashinasining dizaynini ajoyib to‘ldirib turadi.
Amaliyotga muvofiqlik, barcha kerakli funksiyalar va xususiyatlarning optimal mujassamlanishi tufayli Chevrolet Cobalt oila uchun a’lo avtomobilga, har qanday safarda, istalgan masofalarga yurishda o‘rni bosilmaydigan hamroh va ishonchli yordamchiga aylanadi.
Chevrolet Lacetti ning ichki ko‘rinishi sodda ko‘rinuvchi hashamatdorligi bilan ajralib turadi. Bir xil rang tuslariga ega bo‘lgan sifatli bezatish materiallari shinam muhitni yaratadi, va salonning hajmini kengaytirib ko‘rsatadi. Barcha zarur boshqarish elementlari bo‘lgan oqilona jamlangan panel, teri qoplangan qulay rul, chiroq bilan yoritiladigan ichki bo‘limi, konditsioner, o‘ziga xos uslubda yasalgan spidometr – mashinaning a’lo butlanishi va jihozlanishining namoyon bo‘ladigan kichik bir qismidir.
Safarda qulay yurish uchun avtomobil tirgak osti bokslari, tokchalar, axlat tashlanadigan cho‘ntaklar va tagliklar bilan jihozlangan. Old oynasidan a’lo ko‘rish imkoniyati sababli unda yurish xavfsiz bo‘ladi, motorning shovqinsiz ishlashi va shovqindan yaxshi izolyatsiyasi esa unda yurishni yanada qulayroq qiladi.